एमपीसी न्यूज -पुण्यात व पिंपरी-चिंचवड शहरात मेट्रोचे आगमन होत आहे. पिंपरी-चिंचवडसाठी ही अभिमानाची गोष्ट आहे. तसेच शहराकरिता सोयीची देखील आहे. परंतु प्रथम फेजमध्ये मेट्रो पिंपरीपर्यंतच येत आहे. निगडी बसस्थानकावरून पुणे शहराकडे जाण्यासाठी बसेस 150 टक्के भरून जातात. तसेच या भागात शैक्षणिक संकुले, शासकीय कार्यालये, कामगार निवास स्थाने, शहरातील पर्यटन स्थळे, वाहतूक नगरी व अन्य महत्वाची ठिकाणे आहेत. त्यामुळे मेट्रो पहिल्या टप्प्यात निगडीपर्यंत होणे आवश्यक आहे. पुणे मेट्रो पहिल्याच फेजमध्ये निगडीपर्यंत नेण्याच्या मागणीसाठी पिंपरी-चिंचवड सिटीझन फोरमच्या वतीने कनेक्टिंग एनजीओच्या अंतर्गत आज (शुक्रवार) निगडी येथील भक्ती-शक्ती चौकात मानवी साखळीचे आयोजन करण्यात आले.
No comments:
Post a Comment