राजीनामा दिलेले नगरसेवक सांगा

पिंपरी : अनधिकृत बांधकाम प्रश्नी तोडगा निघत नाही, म्हणून आमदारांनी राजीनामा दिल्याची घोषणा करताच, त्यांना पाठिंबा म्हणून राष्ट्रवादी काँग्रेसच्या ४0 नगरसेवकांनी राजीनामा दिल्याचे जाहीर केले. परंतु विषय समित्या, स्थायी समिती सभा, तसेच नुकत्याच झालेल्या सर्वसाधारण सभेला अनेक नगरसेवक हजेरी लावत असल्याची बाब लक्षात आल्यानंतर महापालिका सभा संपताच शिवसेनेच्या पदाधिकार्‍यांनी महापौर मोहिनी लांडे यांची भेट घेतली. राजीनामा दिलेल्या नगरसेवकांची यादी मागितली. यादी उपलब्ध होत नसल्याने त्यांनी महापौरांना कोंडीत पकडले. नागरिकांच्या भावनेशी खेळण्याचा प्रकार थांबवा. राजीनामानाट्य पुरे झाले, असेही सुनावले.