दापोडी-निगडी रस्त्यावर पडणार 3 कोटीचे डांबर!

पिंपरी-चिंचवड महापालिकेने गेल्या सात वर्षात निगडी ते दापोडी दरम्यानच्या पुणे-मुंबई महामार्गावर तब्बल 337 कोटी रुपयांचा खर्च केला आहे. एवढेच नव्हे तर जागतिक बँकेच्या अर्थसहाय्याने नाशिकफाटा चौकात सुमारे 120 कोटी रुपये खर्चून आधुनिक स्वरूपाचा उड्डाणपूल उभारला. त्यामुळे साडेअकरा किलोमीटर लांबीच्या महामार्गावर 457 कोटी रुपयांचा 'महाखर्च' झाला असताना आता महामार्गावरील डांबरीकरण व इतर कामांसाठी 3 कोटी रुपयांच्या निविदा मागविण्यात आल्या आहेत.