कनिष्ठ कर्मचा-यांना लेखी स्वरूपातच द्यावे लागणार आदेश

सरकारी कार्यालयामध्ये कामकाज करताना वरिष्ठांच्या तोंडी आदेशाचे पालन करताना कनिष्ठ कर्मचा-यांना अनेकदा अडचणीत यावे लागल्याचे प्रसंग घडले आहेत. अशा वेळी वरिष्ठ हात वर करीत असल्याने कनिष्ठ कर्मचा-यांना नाहक कारवाईला सामोरे जावे लागते. ही बाब लक्षात घेऊन राज्य शासनाच्या आदेशानुसार महापालिका आयुक्त राजीव जाधव यांनी यापुढे कोणत्याही कामाचे आदेश देताना वरिष्ठांना ते लेखी देणे बंधनकारक केले आहे.