सोनसाखळी हिसकावण्याच्या तीन घटना

सव्वा लाखाचा ऐवज लांबविला

सोनसाखळी चोरीचे सत्र सध्या शहरात सुरूच असून, गेल्या दोन दिवसांत तीन वेगवेगळ्या घटनांमध्ये सुमारे आठ तोळे सोन्याचे दागिने दुचाकीवरून आलेल्या चोरट्यांनी हिसकावून नेले आहेत. चिंचवड येथे दोन तर सांगवी परिसरात एक हे गुन्हे घडले आहेत. सोनसाखळी चोरीच्या विविध तीन घटनांमध्ये एकूण एक लाख 37 हजार पाचशे रूपयांचा ऐवज चोरून नेला आहे.