अजितदादांसमोरच काढले एकमेकांचे उट्टे

'मला पक्षामुळेच त्रास झाला, मी पक्षामुळे आहे हे आज पदाधिकारी विसरले. प्रत्येकजण स्वतःलाच साहेब-दादा समजायला लागले आहेत, महापालिकेत विरोधी पक्षाच्या लोकांकडून सल्ला घेऊन कारभार चालविला जातो यां सारख्या असंख्य आरोप-प्रत्यारोपात रविवारी (२६ एप्रिल) राष्ट्रवादी काँग्रेसचा निर्धार मेळावा माजी उपमुख्यमंत्री अजित पवार यांच्या उपस्थितीत पार पडला. शहरातील सर्वच प्रमुख पदाधिकाऱ्यांनी एकमेकांवर थेट 'दादां' समोरच कोरडे ओढल्याने अखेर आता तरी एक दिलाने काम करा असे सांगण्याची वेळ अजित पवार यांच्यावर आली.