हिंजवडीत अखेर ‘नो पार्किंग झोन’

पिंपरीः वाहतूक कोंडी पाचवीला पुजलेल्या हिंजवडी आयटी पार्कचा परिसर काही अंशी का होईना आता मोकळा श्वास घेण्याची शक्यता आहे. येथील काही रस्त्यांवर आता टप्प्याटप्याने 'नो-पार्किंग झोन' आखण्यात येणार आहे. वाकडकर जकात नाका ते शिवाजी चौकापर्यंतच्या रस्त्यावर सकाळी सात ते दुपारी दोन वाजेपर्यंत, शिवाजी चौक ते वाकडकर जकात नाका रस्त्यावर दुपारी दोन ते रात्री दहापर्यंत वाहने लावण्यास बंदी घालण्यात आली आहे.