पुण्यातील मेट्रो मिक्सच!

'पुणे मेट्रोबाबत भूमिगत की एलिव्हेटेड, अशी एकच भूमिका घेण्याचे कारण नाही. ज्या ठिकाणी जे व्यवहार्य आहे, ते स्वीकारले पाहिजे. त्यामुळे पुण्यात मिक्स मेट्रोचे मॉडेल राहील,' असे मुख्यमंत्री देवेंद्र फडणवीस यांनी गुरुवारी स्पष्ट शब्दांत सांगितले; तसेच शिवाजीनगर ते हिंजवडी हा नवा मेट्रोमार्गही व्यवहार्य असून, त्याचे कामही वेगाने मार्गी लावण्याचे आश्वासन त्यांनी दिले.