गृहनिर्माण सोसायट्यांत टॅंकरच्या वाऱ्या

पिंपरी - महापालिकेच्या तिजोरीत कररूपाने सर्वाधिक महसूल जमा करणाऱ्या पिंपळे सौदागरमधील नागरिकांना उन्हाळ्याच्या तोंडावरच पाणीटंचाईला तोंड द्यावे लागत आहे. गेल्या महिनाभरात तक्रारींमध्ये मोठी वाढ झाली असून, येथील बहुतांश हाउसिंग सोसायट्यांमधील टॅंकरच्या वाऱ्याही वाढल्याचे चित्र आहे. अनेक मोठ्या सोसायट्यांमध्ये दिवसाला तब्बल २०-२२ टॅंकरने पाणीपुरवठा होत आहे. त्यासाठी सोसायट्यांना दिवसाकाठी दहा ते १५ हजार रुपये खर्च येत आहे. पाणीटंचाईमुळे संतप्त असलेल्या या सोसायट्या आंदोलनाच्या पवित्र्यात आहेत.