पंचतारांकित सुविधांमुळे गहुंजे स्टेडियम जगप्रसिद्ध

पुणे - गहुंजे येथील स्टेडियम बांधताना दोन वर्षे केवळ डिझाइनवर गेले; पण अवघ्या 18 महिन्यांमध्ये त्याचे बांधकाम पूर्ण झाले. जवळपास 40 हजार प्रेक्षकांना क्रिकेटचा आनंद लुटता यावा, यासाठी शास्त्रीय पद्धतीची बहुमजली बैठक व्यवस्था, वातानुकूलित चेंबर्स, प्रकाश योजना, पार्किंग व्यवस्था, अग्निशमन योजना, आंतरराष्ट्रीय दर्जाचे सुसज्ज कॅमेरे, स्क्रीन्स, मध्यवर्ती नियंत्रण कक्षाची व्यवस्था अशा पंचतारांकित सुविधांमुळे हे स्टेडियम जगात प्रसिद्ध झाले आहे. प्रेक्षकांसह जागतिक खेळाडूंचा प्रतिसाद पाहून समाधान वाटते, असे मत आंतरराष्ट्रीय वास्तुविशारद दर्शन मेढी यांनी व्यक्त केले.