"शिक्षण समिती'विषयी महापौर, आयुक्तच अनभिज्ञ

पिंपरी - नव्याने अस्तित्वात येणाऱ्या शिक्षण समितीच्या उपविधी नियमांचा मसुदा महापालिकेने अद्याप तयार केला नसल्याची माहिती उघडकीस आली आहे. याबाबत आयुक्तांपासून महापौरांपर्यंत सर्वच अनभिज्ञ असल्याचे वास्तव समोर आल्याने उच्च न्यायालयाने पूर्वी दिलेल्या आदेशानुसार विद्यमान शिक्षण मंडळ अद्याप अस्तित्वात आहे. आता त्याची बरखास्ती कधी होणार, हा प्रश्‍न गुलदस्तात आहे.