हिंमत असेल तर आंदोलन कराच - आमदार लक्ष्मण जगताप

पिंपरी - अनधिकृत बांधकामांचा प्रश्‍न अचानक निर्माण झालेला नाही. पंधरा वर्षांहून अधिक काळ राज्यात काँग्रेस आणि राष्ट्रवादी काँग्रेसची सत्ता होती. तेव्हा त्यांना प्रश्‍न सोडवावा असे वाटले नाही, आता भाजपच्या हाती सत्ता आल्यावर अस्वस्थ झालेल्या राष्ट्रवादीच्या लोकांनी आंदोलनाची भाषा सुरू केली आहे. त्यांच्यात हिंमत असेल तर त्यांनी आंदोलन करून दाखवावे, असे आव्हान भाजपचे शहराध्यक्ष आमदार लक्ष्मण जगताप यांनी सोमवारी राष्ट्रवादी काँग्रेसला दिले.