‘लाचलुचपत’तर्फे आयुक्‍तांची चौकशी करा - खासदार श्रीरंग बारणे

पिंपरी - पिंपरी-चिंचवड महापालिकेचे आयुक्त दिनेश वाघमारे यांचे स्वीय सहायक व प्रत्यक्षात स्टेनो या पदावर गेल्या १२ वर्षांपासून कार्यरत असलेल्या राजेंद्र शिर्के याला बांधकाम व्यावसायिकाकडून १२ लाख रुपयांची लाच घेताना रंगेहाथ पकडले. यामुळे पुन्हा महापालिकेतील भ्रष्टाचार समोर आला आहे. याप्रकरणी आयुक्‍त दिनेश वाघमारे यांची लाचलुचपत प्रतिबंध विभागातर्फे चौकशी करण्याची मागणी खासदार श्रीरंग बारणे यांनी मुख्यमंत्री देवेंद्र फडणवीस यांच्याकडे केली आहे.