बनावट नोंदी टाळण्यासाठी ‘ई-प्रॉपर्टी कार्ड’

पुणे - बनावट व चुकीच्या नोंदी टाळण्यासाठी आता ‘ई-फेरफार’ पाठोपाठ ‘ई-प्रॉपर्टी कार्ड’ (मिळकत पत्रिका) योजना राबविण्याचा निर्णय राज्य सरकारने घेतला आहे. त्यासाठी १८ कोटी रुपयांचा निधी मंजूर करण्यात आला आहे. परिणामी शहरांमध्ये एखादी मिळकत खरेदी केल्यानंतर प्रॉपर्टी कार्डावर नावनोंदणी करण्यासाठी भूमी अभिलेख कार्यालयात हेलपाटे मारण्याची गरज राहणार नाही. दस्तनोंदणी झाल्यानंतर ऑनलाइनच्या माध्यमातून प्रॉपर्टी कार्डवर खरेदीदारांच्या नावाची नोंद होणार आहे.