‘स्वीकृत’वरून भाजपमध्ये खदखद

पिंपरी - पिंपरी- चिंचवड महापालिकेतील स्वीकृत सदस्यांच्या संभाव्य निवडीवरून भारतीय जनता पक्षाच्या कार्यकर्त्यांत प्रचंड खदखद सुरू आहे. निष्ठावंतांना डावलून काल-परवा पक्षात आलेल्यांना संधी दिल्यास जोरदार आंदोलन छेडण्याचा इशाराच जुन्या कार्यकर्त्यांनी दिला असून, भोसरीकरांनीही ‘वज्रमूठ’ बनण्याचे संकेत दिले आहेत. त्यामुळे सोमवारी झालेल्या कोअर कमिटी बैठकीत निवडलेल्या पाच नावांबद्दल कमालीची गुप्तता पाळली जात आहे.