थायलंडमधील बुद्ध मूर्तींची शहरातील विहारांत प्रतिष्ठापना

पिंपरी - काही वर्षांपूर्वी थायलंडवरून पुण्यात शिक्षणासाठी आलेल्या नरोंग सकाइव्ह या थाई भिक्‍खूने पुणे व पिंपरी-चिंचवड परिसरातील विहारांना सव्वापाच फुटी बुद्ध मूर्ती दान करण्याचा उपक्रम सुरू केला आहे. सहा वर्षांपासून लाखो रुपये किमतीच्या बुद्ध मूर्ती विनामूल्य भेट देण्याचा हा उपक्रम अनुयायांसाठी प्रेरणादायी ठरणार आहे. यंदा बुद्ध पौर्णिमेनिमित्त पिंपरी-चिंचवड शहरातील तीन बुद्ध मूर्ती दाखल झाल्या असून, त्यांची उद्या (ता. १०) मिरवणूक काढून विधिवत प्रतिष्ठापना करण्यात येणार आहे.