‘एचए’ जमीन लिलाव प्रक्रिया सुरू

पिंपरी - हिंदुस्तान ॲन्टिबायोटिक्‍स लिमिटेड या कंपनीच्या सुमारे ८७.७० एकर अतिरिक्‍त जमिनीच्या लिलावाची प्रक्रिया सुरू झाली आहे. ही जमीन फक्‍त सरकारी उपक्रमांनाच देण्याचे नियोजन करण्यात आले आहे. केंद्र सरकारने ही जमीन विक्रीची प्रक्रिया पूर्ण करण्यासाठी एमएसटीसी लिमिटेड या सरकारी कंपनीची नियुक्‍ती केली आहे. येत्या ऑक्‍टोबर महिन्यापर्यंत जमीन विक्रीची प्रक्रिया पूर्ण करण्यात येणार आहे. कंपनीला या जमिनीच्या विक्रीमधून एक हजार कोटी रुपयांपेक्षा अधिक रक्‍कम मिळणार आहे.