ब्रॅंड हटवून जीएसटीपासून सुटका!

व्यापाऱ्यांची शक्कल; ‘ट्रेडमार्क’मध्येही किरकोळ बदल
पुणे - जीएसटीमधील तरतुदीमुळे ब्रॅंडेड आणि नॉनब्रॅंडेड अशी स्पर्धा धान्य बाजारात निर्माण होणार आहे. कर वाचविण्यासाठी काही कंपन्या ‘ब्रॅंड’ऐवजी ‘नॉनब्रॅंड’ उत्पादन बाजारात आणू लागल्या आहेत. त्याचप्रमाणे ‘ट्रेडमार्क’मध्येही किरकोळ बदल करून मालाची विक्री करू लागले आहेत.
ब्रॅंडेड धान्यावर पाच टक्के जीएसटी लागू झाला आहे. त्याचवेळी ‘नॉनब्रॅंड’ धान्य करमुक्त केले आहे. या पार्श्‍वभूमीवर व्यापाऱ्यांमधील संभ्रम दूर झाले नाहीत. त्यामुळे उत्पादकांनी शक्कल लढविण्यास सुरवात केली आहे.