वाहन प्रवेश शुल्क आकारणी बंद

पुणे, खडकी व देहू रस्ता कॅंटोन्मेंटमध्ये वाहनचालकांना दिलासा

पुणे: केंद्र सरकारने शुक्रवारी मध्यरात्रीपासून वस्तू व सेवा कर (जीएसटी) लागू केल्यानंतर देहू रस्ता, खडकी व पुणे कॅंटोन्मेंटमधील वाहन प्रवेश शुल्क/कर (व्हीईटी) आकारणी तत्काळ बंद केली. त्यामुळे व्यावसायिक वाहनचालकांना दिलासा मिळाला आहे. मात्र "व्हीईटी'च्या माध्यमातून कॅंटोन्मेंटला मिळणारा महसूल बंद होणार आहे. त्यामुळे आर्थिक तोटा भरून काढण्यासाठी कॅंटोन्मेंट प्रशासनाने पावले उचलण्यास सुरवात केली आहे.