भाजपच्या कार्यक्रमासाठी विद्यार्थ्यांना धरले वेठीस

जयहिंद शाळेचे विद्यार्थी : वन मंत्र्यांच्या विलंबाने पाच तास ताटकळली मुले

पिंपरी – पिंपरी येथील मिलिटरी डेअरी फॉर्म जागेवर महापालिकेकडून वृक्षारोपण मोहिमेचा शुभारंभ वनमंत्री सुधीर मुनगंटीवार यांच्या हस्ते सोमवारी (दि. 3) करण्यात आला. मात्र, वनमंत्री सुधीर मुनगंटीवार हे कार्यक्रम स्थळी दोन ते अडीच तास उशिरा आले. त्यामुळे दुपारचा कार्यक्रम सुरु होण्यास दोन तास विलंब झाला. मात्र, कार्यक्रम स्थळी दुपारी 2 वाजता आणून बसविलेल्या विद्यार्थ्यांना कार्यक्रम संपेपर्यत तब्बल पाच ताटकळत ठेवण्यात आले. भाजपच्या कार्यक्रमासाठी विद्यार्थ्यांना दुपारपासून वेठीस धरण्यात आल्याने उपस्थित नागरिकांतून संताप व्यक्‍त केला जात होता.