पिंपरी-चिंचवड शहरातील विकासाचा वेग मंदावला

महापालिकेचा भांडवली विकासकामांसाठी चार महिन्यांत केवळ 15 टक्के खर्च

पिंपरी : महापालिकेने गेल्या चार महिन्यांमध्ये भांडवली विकासकामांसाठी 173 कोटी 42 लाख रुपयांचा खर्च केला आहे. वार्षिक भांडवली खर्चाच्या सुधारित अंदाजाच्या तुलनेत हा खर्च केवळ 15 टक्के इतका आहे. तर, स्थापत्य विभागातर्फे आत्तापर्यंत फक्त 64 कोटी रुपयांच्या 410 निविदा काढल्या आहेत. त्यामुळे गेल्या काही महिन्यांमध्ये शहरातील विकासाचा वेग संथ गतीने होत असल्याचे चित्र समोर येत आहे.