वृक्षगणनेस अखेर मंजुरी

पिंपरी - शहरातील सर्व वृक्षांची गणना भौगोलिक माहिती प्रणालीचा (जीआयएस) वापर करून केली जाणार आहे. त्याशिवाय वृक्षगणनेसाठी प्रत्यक्ष स्थळाची पाहणी केली जाणार आहे. या प्रणालीच्या वापरामुळे लावलेल्या आणि तोडलेल्या झाडांची नेमकी संख्या समजणार आहे. तसेच झाडांच्या अवैध कत्तलीलाही लगाम बसणार आहे. याबाबतच्या प्रस्तावाला बुधवारी (ता. 27) महापालिकेच्या स्थायी समितीच्या सभेत मंजुरी मिळाली.