नागरी सुविधा केंद्रात “असुविधां’चा सामना

पिंपरी – पिंपरी-चिंचवड महापालिकेच्या वतीने नागरिकांच्या सोईसाठी जागोजागी नागरी सुविधा केंद्र (सीएफसी) सुरु करण्यात आले आहे. मात्र, शहरातील सर्वच महा ई सेवा केंद्रातील आधार मशीन बंद असल्याने नागरीकांचा लोंढा महापालिकेतील नागरी सुविधा केंद्राकडे येत आहे. सकाळी सात वाजल्यापासूनच नागरीक आधारच्या कामकाजासाठी रांगा लावून सुविधा केंद्राच्या बाहेर बसत आहेत. मात्र येथील असुविधांमुळे नागरिकांच्या मनस्तापात भर पडत आहे.