‘सकाळ’संगे चित्राविष्कार रंगे

पिंपरी - सकाळची थंड हवा, कोवळ्या उन्हाची किरणे, अशा आल्हाददायक वातावरणात शहरातील हजारो विद्यार्थ्यांनी ‘सकाळ’तर्फे आयोजित चित्रकला स्पर्धेला उत्स्फूर्त प्रतिसाद दिला. सकाळच्या कोवळ्या उन्हात शाळांच्या पटांगणात बसलेले विद्यार्थी आपल्या कल्पनाशक्‍तीला वाव देत रंगरेषांच्या दुनियेत रमले होते. काही शाळांनी ‘खास’ बैठक व्यवस्था केल्याने विद्यार्थ्यांच्या चेहऱ्यावर चैतन्य होते.