लेखा परिक्षणातील गैरकारभाराचा अहवाल पाठवा

• नगरविकास विभागाचा आयुक्‍तांना आदेश ः विभाग प्रमुखांचे धाबे दणाणले

पिंपरी, (प्रतिनिधी) – महापालिकेच्या लेखापरिक्षणातील प्रलंबित आक्षेप आणि आक्षेपाधीन ठेवलेल्या रक्कम वसुलीची चौकशी करुन दोषींवर कठोर कारवाईची मागणी माजी नगरसेवक मारुती भापकर यांनी मुख्यमंत्र्याकडे केली होती. त्याची गंभीर दखल राज्य शासनाने घेतली असून त्यांचा सविस्तर अहवाल तत्काळ पाठवण्याचे आदेश नगरविकास विभागाचे कार्यासन अधिकारी दिलीप वणिरे यांनी आयुक्‍त श्रावण हर्डीकर यांना दिले आहेत.