भाजपचा महापालिकेत “होलसेल’ भ्रष्टाचार

पिंपरी – महापालिकेतील सत्ताधारी भाजपने नऊ महिन्यांच्या कारकिर्दीत 200 ते 300 कोटींचा भ्रष्टाचार केला आहे. एकदम शिताफीने आणि वेगात भ्रष्टाचार सुरू आहे. आजवर अशा पद्धतीने होलसेल भ्रष्टाचार कधीच झाला नव्हता. भाजपने ए. राजा. कनिमोळी, सुरेश कलमाडी आणि छगन भुजबळ यांना देखील भ्रष्टाचारात मागे टाकले आहे. तात्कालीन सत्ताधारी राष्ट्रवादीने चोरी केली होती; पण हे तर आता करदात्यांच्या पैशांवर दरोडा टाकत आहेत, असा आरोप शिवसेनेचे खासदार शिवाजीराव आढळराव पाटील यांनी आज पत्रकार परिषदेत केला.