रस्ते कामात भ्रष्टाचार, खोटारडे कोण ? भाजपला शिवसेनेचा सवाल

पिंपरी ः भाजपच्या पिंपरी-चिंचवड महापालिकेतील सव्वाचारशे कोटी रुपयांच्या रस्तेकामात नव्वद कोटी रुपयांचा भ्रष्टाचार झाल्याचा आरोप शिवसेनेच्या खासदारांनी नुकताच केला. त्यावर शिवसेनेचे खासदार खोटे बोलत असल्याचे महापौर नितीन काळजे काल म्हणाले. दरम्यान, या भ्रष्टाचाराची चौकशी करण्याची मागणी भाजपच्याच खासदारांनी मुख्यमंत्र्यांकडे केल्याचे समोर आले. त्यामुळे कोण खोटारडे अशी विचारणा शिवसेनेच्या पदाधिकाऱ्यांनी आज केली.