भोसरीत चौक, रस्त्यांना अतिक्रमणांचा विळखा

भोसरी - येथील पुणे-नाशिक महामार्गाचा सेवा रस्ता, आळंदी रस्ता, भोसरी-आळंदी रस्ता चौक, भोसरी-दिघी रस्ता चौक, चांदणी चौक आदी भागातील रस्त्यांसह पदपथ फळे व विविध वस्तू विक्रेत्यांनी व्यापल्याने रस्त्याची रुंदी कमी झाली आहे. त्यामुळे येथील रस्ता आणि चौकांत नेहमीच वाहतूक कोंडी होते. त्यातून सुटका होण्यासाठी अतिक्रमणे हटवून विक्रेत्यांसाठी हॉकर्स झोनची निर्मिती करणे आवश्‍यक आहे. त्याचप्रमाणे नो पार्किंगमध्ये वाहने लावणाऱ्यांवरही कारवाई करणे गरजेचे आहे.