अत्रे नाटय़गृहाच्या दुरूस्तीचे काम अंधश्रद्धेमुळे रखडले!

महिलेने हाक मारल्याच्या होणाऱ्या भासाचे विधिवत पूजाअर्चेनंतर निराकरण?

पिंपरीतील आचार्य अत्रे रंगमंदिराच्या नूतनीकरणाचे ‘खर्चिक’ काम सध्या सुरू आहे. एका अंधाऱ्या कोपऱ्यात काही मजुरांना महिलेने हाक मारल्याचा आवाज येत असल्याचा भास होतो, तो आवाज पुन्हा-पुन्हा येत राहतो. भीतीने सर्वाची गाळण उडते. सर्वाचेच धाबे दणाणले असल्याने काम करण्यास कोणी धजावत नाही. त्यामुळे काम बंद पडते. मात्र, विधिवत पूजाअर्चा केल्यानंतर सर्व काही ठीकठाक झाल्याच्या भावनेने पुन्हा काम सुरू होते.