“रेडझोन’ हद्दीत अनधिकृत “होर्डिंग्ज’चे पेव

पिंपरी – पिंपरी-चिंचवड महापालिकेच्या हद्दीचा काही भाग लष्कराच्या “रेडझोन’ने बाधित झाला आहे. या बाधित जागेत खासगी संस्थांकडून मोठमोठे “होर्डिंग्ज’ लावले जात आहेत. अशांवर कारवाई होत नसल्यामुळे महापालिकेचे लाखो रुपयाचे चलन बुडत असून लष्कराचे नियम धाब्यावर बसवले जात आहेत. अशा अनधिकृत “होर्डिंग्ज’वर तातडीने कारवाई करण्यात यावी, अशी मागणी निगडी येथील सजग नागरीक सतिश कदम यांनी केली आहे.