प्लॅस्टिक बंदीमुळे हॉटेल व्यावसायिकांची हतबलता; ३० टक्के व्यवसाय ‘पार्सल’वर

पुणे - आज घरी स्वयंपाक करायचा कंटाळा आलाय.. हॉटेलमधून पार्सल घेऊन जाऊया का, असे जर तुमच्या बायकोने विचारले, तर सर्वप्रथम तुमच्याकडे स्टीलचे डबे आहेत का हे तपासा. होय, कारण प्लॅस्टिक बंदीमुळे आता तुम्हाला हॉटेलमध्ये प्लॅस्टिकची पिशवी किंवा डब्यात काहीही दिले जाणार नाही. शहरात चालणाऱ्या हॉटेल्समध्ये तब्बल ३० टक्के व्यवसाय हा ‘पार्सल’वर अवलंबून आहे. होम डिलिव्हरीची सुविधा सर्वांना सोयीची वाटते, पण त्यामध्ये प्लॅस्टिकच्या पिशव्या आणि डब्यांचा वापर अधिक असल्यामुळे आता त्यावरही मर्यादा येण्याची शक्‍यता आहे.