मोशी कचरा डेपो आगीमुळे नागरिक त्रस्त

मोशी - गुरुवारी सायंकाळी साडेसातच्या सुमारास मोशी कचरा डेपोला लागलेली आग विझविण्यात आली असली, तरी गेल्या तीन दिवसांपासून हा कचरा डेपो प्रचंड धुराने धुमसत आहे. काही ठिकाणी अद्यापही किरकोळ आग लागलेलीच असून तिच्यावर माती टाकून विझविण्याचे काम सध्या युद्धपातळीवर सुरू आहे. मात्र पेटलेल्या ठिकाणावर जरी माती टाकली जात असली तरी त्यामधून प्रचंड प्रमाणावर धूर धुमसत असल्याने धुरामुळे स्थानिक नागरिकांना त्रासाला सामोरे जावे लागत आहे.