पुण्यात वर्षभरात लोहमार्गावर ५४० मृत्यू!

सात वर्षांत मृत्यूच्या संख्येत दुपटीने वाढ

रेल्वे स्थानकात पादचारी पुलाची सुविधा असतानाही केवळ वेळ वाचविण्यासाठी धोकादायकपणे थेट लोहमार्ग ओलांडणारे प्रवासी आणि लोहमार्गालगत वाढत्या वस्त्यांमुळे लोहमार्गावर अपघात होऊन मृत्युमुखी पडणाऱ्यांची संख्या दिवसेंदिवस वाढत आहे. पुणे विभागात एका वर्षांत अशा प्रकारे ५४० जणांना प्राण गमवावा लागला. मागील सात वर्षांत मृत्यूची ही संख्या दुप्पट झाल्याचे वास्तव आहे. पुणे विभागात विशेषत: पुणे-लोणावळा या पट्टय़ामध्ये सर्वाधिक मृत्यू आहेत.