21 कंत्राटदारांना “शॉक’

• वीजवाहिन्या तोडल्या: महावितरणला लाखो रुपयांचे आर्थिक नुकसान

पुणे  – मागील वर्षभरामध्ये पुणे व पिंपरी-चिंचवड शहरातील विविध कामांसाठी जेसीबी किंवा इतर यंत्राद्वारे झालेल्या खोदकामात तब्बल 318 ठिकाणी महावितरणच्या भूमिगत वीजवाहिन्या तोडण्यात आलेल्या आहेत. याप्रकरणी महावितरणकडून 21 कंत्राटदारांविरुध्द गुन्हे दाखल करण्यात आले आहेत. वीजवाहिन्या तोडल्यामुळे महावितरणला लाखो रुपयांच्या आर्थिक नुकसानीसह ग्राहकांनाही त्रास सहन करावा लागला आहे.