मुळा नदीत सात मजली खांब

पिंपरी - मुळा नदीपात्रात हॅरिस पुलामधील मोकळ्या जागेतून मेट्रोचे 20 मीटर उंचीचे खांब उभारण्याचे आव्हानात्मक काम महामेट्रोने हाती घेतले आहे. पहिल्या खांबाचा पाया घेतला असून, तेथे सिमेंट कॉंक्रिटीकरणास सुरवात झाली. पाया भरणीचे काम पूर्ण करून खांबाचा तळातील एक भाग आठवडाभरात पूर्ण करण्यात येणार आहे. या खांबांची जमिनीपासूनची उंची सर्वसाधारणपणे सात मजली इमारतीएवढी असेल.