बेकायदा नर्सिंग होम, रुग्णालयांना बसणार आळा

मुंबई – राज्यातील बेकायदा नर्सिंग होम आणि रुग्णालयांवर नियंत्रण ठेवण्यासाठी लवकरच क्‍लिनिकल एस्टाब्लिशमेंट ऍक्‍ट संदर्भात निर्णय घेतला जाईल. याबाबत तीन आठवड्यात योग्य तो निर्णय घेतला जाई, अशी हमी राज्य सरकारने उच्च न्यायालयात दिली. तसेच आतापर्यंत अशा बेकायदा तीन हजार रुग्णालये आणि नर्सिंग होमवर कारवाई करण्यात आली असून उर्वरित तीन हजार रूग्णालयांवर कारवाईची प्रक्रिया सुरू असल्याचेही राज्य सरकारने स्पष्ट केले. याची दखल घेऊन न्यायालयाने आतापर्यंत केलेल्या कारवाईचा अहवाल सादर करण्याचे आदेश राज्य सरकारला दिले.