मेट्रोच्या दुसऱ्या टप्प्याची प्रक्रिया सुरू

पुणे मेट्रो प्रकल्पाच्या भुयारी मार्गाच्या दुसऱ्या टप्प्याला महाराष्ट्र मेट्रो रेल्वे कॉर्पोरेशनने (महामेट्रो) गती दिली असून, बुधवार पेठ ते स्वारगेट दरम्यानच्या बोगद्याच्या (टनेलिंग) कामांसह स्टेशन निर्मितीच्या निविदा प्रक्रियेला सुरुवात करण्यात आली आहे. दुसऱ्या टप्प्यात बुधवार पेठ (फडके हौद) आणि मंडई अशा शहरातील सर्वाधिक वर्दळीच्या ठिकाणी दोन भुयारी स्टेशनच्या निर्मितीचे आव्हान महामेट्रोसमोर आहे.