पालिका अधिकार्‍यांवर हल्ला केल्यास पाच वर्षांची शिक्षा

पिंपरी-चिंचवड महापालिकेसह शासकीय अधिकार्‍यांवर विविध प्रकारे हल्ले करण्याचे प्रकार वाढले आहेत. त्या प्रकरणी गुन्हा दाखल केल्यानंतरही राजकीय दबाव वाढल्यानंतर ते मागे घेतले जातात किंवा ते प्रलंबित राहतात. मात्र, या पुढे अशाप्रकारे पोलिसांत तक्रार नोंद झाल्यास त्यावर 6 महिन्यांच्या आत निकाल द्यावा लागणार आहे. तसेच, दोषी आढळल्यास 2 व 3 वर्षेऐवजी 5 वर्षांचा तुरुंगवासाची शिक्षा होणार आहे. हा गुन्हा अजामीन पात्र ठरणार आहे. राज्य शासनाने कायद्यामध्ये तसा फेरबदल करून नुकतेच राजपत्र प्रसिद्ध केले आहे.