समन्वयाअभावी रखडली मेट्रो

म. टा. प्रतिनिधी, पिंपरी महामेट्रो आणि पिंपरी-चिंचवड महापालिकेतील समन्वयाच्या अभावामुळे पहिल्या टप्प्यातील मेट्रोचे काम सध्या रखडलेले आहे. महापालिका इमारत ते खराळवाडी या दरम्यान बीआरटी मार्गातून मेट्रोचे पीलर घेण्याचा नसता उद्योग काही अधिकाऱ्यांनी केला. त्याला महापालिका अधिकाऱ्यांनी तोंडी परवानगी दिल्याचे सांगितले गेले. आता महापालिका आयुक्त श्रावण हार्डिकर यांना उपरती झाली आणि हे कामच थांबविण्यात आले. त्यापुढे जाऊन बीआरटी मार्गात मेट्रोचे उभारण्यात आलेले पीलर (खांब) तोडून टाकण्यात येणार आहे.