मेट्रो मार्गात ‘संरक्षण’ची भिंत

पुणे मेट्रो प्रकल्पासाठी संरक्षण खात्याची जागा अद्याप महाराष्ट्र मेट्रो रेल्वे कॉर्पोरेशनला (महामेट्रो) मिळालेली नाही. ती प्राप्त करण्यासाठी थेट मुख्यमंत्री देवेंद्र फडणवीस यांच्या माध्यमातून पाठपुरावा सुरू आहे. मेट्रोच्या खांबांच्या कामासाठीची (वर्किंग परमिशन) अद्याप मिळू न शकल्याने प्राधान्य मार्गाचे (रिच-१) सुमारे चार किलोमीटरचे काम रखडले आहे. येत्या सोमवारी (१६ जुलै) या संदर्भात नवी दिल्लीत महत्त्वाची बैठक होणार आहे.