देशातील कँटोन्मेंट बरखास्तीचा विचार?

लष्करातर्फे देशभरातील ६२ कँटोन्मेंट बरखास्त करण्याचा विचार केला जात असून, त्यासंदर्भातील प्रस्ताव संरक्षण मंत्रालयाकडे पाठविण्यात आल्याचे समजते. कँटोन्मेंटवर होणारा कोट्यवधी रुपयांचा खर्च टाळण्यासाठी प्रस्ताव तयार करण्यात आला आहे. त्यानुसार कँटोन्मेंटमधील लष्करी भागात 'विशेष लष्करी ठाणे' तयार केले जाणार असून, नागरी भाग लगतच्या महापालिकेकडे वर्ग केला जाण्याची शक्यता आहे. कँटोन्मेंट परिसरातील लोकप्रतिनिधींकडून या प्रस्तावाचे स्वागत केले जात असले, तरी माजी लष्करी अधिकाऱ्यांकडून त्यावर चिंता व्यक्त होत आहे.