“तेजस्विनी’ बसचे मार्ग वाढवण्याची मागणी

पुणे – जागतिक महिलादिनाचे औचित्य साधत खास महिलांसाठी सुरु करण्यात आलेल्या तेजस्विनी बससेवेला महिला प्रवाशांची पसंती मिळत आहे. सध्या शहरातील 10 मार्गावर एकूण 32 बसेसमार्फत ही सेवा पुरवली जाते. मात्र, अल्पावधीतच लोकप्रिय झालेल्या तेजस्विनीला स्थानिकांकडून मागणी वाढत असून महापालिका ते पिंपळे गुरव, आळंदी ते भोसरी, मनपा ते वडगाव शेरी या मार्गावर बस सुरू करण्याची मागणी प्रशासनाकडे करण्यात आली आहे. त्यानुसार नागरिकांच्या मागणीचा विचार करून या मार्गाचा सर्व्हे सुरु केला असल्याचे पीएमपीतील अधिकाऱ्यांनी सांगितले.