शहरातील रोडरोमिओंवर कारवाई

वाकड – शहरातील शाळा आणि महाविद्यालयाबाहेर मुलींना त्रास देणार्‍या रोडरोमिओंवर पोलिसांनी कारवाई केली. टवाळखोरी करत उभे राहणार्‍या 17 रोडरोमिओंवर वाकड पोलिसांनी अटक केली. पोलिसांनी दिलेल्या माहितीनुसार, वाकड परिसरातील विविध सात महाविद्यालयाच्या आवारात ही कारवाई करण्यात आली. शाळा आणि महाविद्यालयाच्या परिसरात टवाळखोरी करुन मुलींना छेडछाड करणार्‍या रोमियोंवर पोलिसांनी ताब्यात घेतले. समज देत त्यांना सोडून दिले. पोलीस आल्याचे पाहून काही रोडरोमियोंनी पळ काढला. ही कारवाई जेएसपीएम, बालाजी सोसायटी कॉलेज, इंदिरा कॉलेज, राजवाडे नगर येथील माने शाळा, आयबीएमअर कॉलेज आदी ठिकाणी करण्यात आली. पोलीस अधिकारी, कर्मचारी व महिला कर्मचारी यांनी दोन स्वतंत्र पथके त्यासाठी नेमण्यात आली होती.