आयुक्‍तालयासाठी “तालेरा’चा निधी वर्ग

पिंपरी – पिंपरी-चिंचवड पोलीस आयुक्तालयाच्या कामकाजाला स्वातंत्र्य दिनापासूनच सुवात झाली आहे. मात्र अद्याप आयुक्तालयाला हक्काची इमारत मिळालेली नाही. प्रेमलोक पार्क येथील महात्मा फुले शाळेच्या इमारतीत आयुक्तालय होत असून येथील विद्युत यंत्रणेसाठी 43 लाखांचा खर्च होणार आहे. निधीची चणचण असल्याने महापालिकेकडून तालेरा रुग्णालयाचा निधी त्यासाठी वर्ग करण्यात येणार आहे.