संरक्षण परवानगीसाठी‘महामेट्रो’चे अध्यक्ष सक्रीय

पुणे मेट्रो प्रकल्पाच्या खडकी आणि रेंजहिल्स परिसरातील संरक्षण खात्याच्या जागांचा प्रलंबित प्रश्न मार्गी लावण्यासाठी केंद्रीय गृहनिर्माण आणि नागरी व्यवहार मंत्रालयाचे सचिव आणि महाराष्ट्र मेट्रो रेल्वे कॉर्पोरेशनचे (महामेट्रो) अध्यक्ष दुर्गा शंकर मिश्रा यांनीच आता पुढाकार घेतला आहे. पुण्याच्या दौऱ्यावर असलेल्या मिश्रा यांनी सोमवारी खडकी येथे प्रत्यक्ष जागेची पाहणी करत, मेट्रोला आवश्यक जागांचा आढावा घेतला; तसेच त्याविषयी संरक्षण खात्यासोबत पाठपुरावा करण्याचे आश्वासन दिले.