गणेशोत्सव मंडळाच्या नोंदणीसाठी स्वतंत्र कक्ष स्थापन

पुणे : गणेशोत्सव मंडळांना धर्मादाय आयुक्तांकडे नोंदणी बंधनकारक आहे. नोंदणी नसणार्‍या मंडळावर कारवाई होऊ शकते. ती टाळण्यासाठी गणेश मंडळांनी तात्पुरत्या स्वरुपात नोंदणी करून घ्यावी, असे आवाहन धर्मादाय आयुक्तालयाने केले आहे. हे काम एका दिवसात होण्यासाठी स्वतंत्र कक्ष सुरू केल्याचे आयुक्तालयाने सांगितले आहे. दरम्यान, अनधिकृत पद्धतीने गणेशोत्सव साजरा करणार्‍या मंडळांवर कारवाईचा इशारा देण्यात आला आहे.