आता जयंती उत्सवांसाठी ट्रस्ट

पिंपरी – उच्च न्यायालयाने करदात्यांच्या पैशातून धार्मिक सण व उत्सव साजरे करण्यास महापालिका व स्थानिक संस्थांना बंदी केली आहे. यामुळे महापालिकेसमोर पेचप्रसंग उभा ठाकला आहे. अशा परिस्थितीत उत्सव व जयंती साजरी करण्याबाबतचे धोरण महापालिका प्रशासनाकडे नसल्याबद्दल पदाधिकाऱ्यांनी शुक्रवारी (दि. 28) आयोजित बैठकीत नाराजी व्यक्त केली. जयंती उत्सव साजरे करण्यासाठी महापालिका ट्रस्ट स्थापन करणार असून गटनेत्यांच्या बैठकीत त्यावर लवकरच शिक्कामोर्तब केले जाणार आहे.