रुग्ण हक्कांना ‘अच्छे दिन’?

पुण्यासह देशभरातील खासगी सरकारी हॉस्पिटल, डॉक्टरांकडून पेशंटना नेहमीच दुय्यम स्थान देण्यात आले आहे. उपचारापासून ते खर्चाच्या अंदाजापर्यंतची माहिती विचारण्यास गेलेल्या पेशंटना सातत्याने नकारात्मक उत्तर देण्यात आले. त्यातून पेशंटच्या नातेवाइकांडून डॉक्टरांवर हल्ले झाले आहेत. परंतु, पेशंटच्या हक्कांचा विसर पडलेल्या सर्वच हॉस्पिटलसह डॉक्टरांना आता चपराक बसला आहे. 'पेशंट चार्टर' अर्थात रुग्ण हक्काचा मसुदा प्रस्तावित असल्याने अनेक वर्षांपासून हक्कासाठी सुरू असलेल्या लढाईला आता 'अच्छे दिन' येण्याची चिन्हे आहेत.