संपूर्ण शहरासाठी एकच आराखडा

राज्यातील सर्व शहरांच्या मूळ आणि विस्तारित हद्दीच्या विकास आराखड्यात (डीपी) सुधारणा करताना यापुढील काळात सर्व क्षेत्रासाठी एकत्रितच आराखडा तयार केला जावा, असे स्पष्ट आदेश राज्य सरकारच्या नगरविकास विभागाने सर्व महापालिका आणि नियोजन प्राधिकरणांना दिले आहेत. त्यामुळे, मूळ हद्द किंवा सुधारित हद्दीचा आराखडा सुधारित करण्याची प्रक्रिया सुरू करताना संपूर्ण हद्दीच्या नियोजनाच्या दृष्टीने दोन्ही भागांची प्रक्रिया एकत्र राबविण्यात यावी, अशा सूचना देण्यात आल्या आहेत.