शिवसेनेच्या विरोधात राष्ट्रवादी आक्रमक, पिंपरीत सामनाच्या अंकाची होळी

पिंपरी (Pclive7.com):- शिवसेना आणि राष्ट्रवादीमधील शाब्दीक वादावादीचे पडसाद आता रस्त्यावर उमटू लागले आहेत. शिवसेनेने आजच्या सामनाच्या अग्रलेखातून राष्ट्रवादी काँग्रेसचे नेते अजित पवार यांच्यावर अत्यंत बोचऱ्या शब्दात टीका केल्यानंतर राष्ट्रवादी आक्रमक झाली आहे. पिंपरी चिंचवड राष्ट्रवादी काँग्रेसच्यावतीने सामनाच्या अंकाची होळी करत तीव्र निदर्शने करण्यात आली. यावेळी उध्दव ठाकरे आणि शिवसेनेच्या विरोधात जोरदार घोषणाबाजी करण्यात आली.